حسین سے بھی روابط ہیں انکا دعویٰ ہے
یذید سے بھی پسٍ پشت ملنا جلنا ہے
ذرا ذرا سے منافق تو سب ہی ہوتے ہیں
وہ کھل کے مان رہا ہے چلو یہ اچھا ہے
بیان خامیاں کرتا ہے منہ پہ کچھ ایسے
گمان ہوتا ہے اک آٸینہ سا رکھا ہے
وہ کھو گیا ہے مری فکرِ روزی روٹی میں
سنا ہے اب بھی درختوں پہ نام لکھا ہے
زمیں سے سب کو ہی زم زم نہیں ملا کرتا
کہیں پہ کوٸی فقط ایڑیاں رگڑتا ہے
ہاں روز روز یہ تقویمی صفحہ بدلے گا
یہ کس نے کہہ دیا ہر روز دن بدلتا ہے
غضنفر علی