Sar e Kuhsaar sedhi aur kuch tirchi lakeerain
غزل
سرِ کہسار سیدھی اور کچھ ترچھی لکیریں
نمودِ ہست میں کوشاں ہیں برفیلی لکیریں
مفصل کر رہی ہیں گفتگو رودادِ شب پر
تری آنکھوں میں پھیلی سرخ تفصیلی لکیریں
ابھی کھولے کہاں موسم نے پت جھڑ کے دریچے
ابھی ان شوخ پتوں پر کہاں پھیلی لکیری
کوئی زرتاب اترا بال کھولے کیا ندی میں
جو بکھریں نیل گوں پانی پہ چمکیلی لکیریں
شبِ ہجراں کسی وادی سے کوئی دودھیا پربت
بنا دے گا ترے گالوں پہ دو گیلی لکیریں
سلونی شام اپنے سرمئی آنچل پہ دھر کے
ذرا سی دیر میں لے جا ئے گی پیلی لکیریں
ہزاروں باب کھل جاتے ہیں فکر و آگہی کے
صدف لاتیں ہیں جب چہرے پہ تبدیلی لکیریں
علی صدف
Ali Sadaf