سلام ۔۔۔ بنامِ شاہ شہیداںؑ

Gham e Hussain Say ulfat hay yeh Aza dari

سلام

غمِ حسینؑ سے الفت ، ہے یہ عزا داری
نہیں ہے رسم ، مودّت ہے یہ عزا داری

جو آنسوؤں کی لڑی ٹوٹ ٹوٹ جاتی ہے
تو کس لیے ہے یہ حیرت، ہے یہ عزا داری

نہ پوچھ دشتِ بلا کیوں اساس ہے غم کی؟
نہیں ہے کوئی وضاحت، ہے یہ عزا داری

کسی نے آنکھ کو پھر کارِ اشکِ خوں سونپا
نہیں جنوں، نہیں وحشت، ہے یہ عزا داری

تجھے بھی رنج ہے ، جو اہلِ بیت پر گزری
ترے بھی دل میں ہے رقّت، ہے یہ عزا داری

مہک رہا ہے جو سینے میں، غم حسینؑ کا ہے
یونہی نہیں یہ سکینت ، ہے یہ عزا داری

لگا رہی ہوں سبیلیں بنامِ تشنہ لباں
محبتیں ہیں ، عقیدت ہے یہ عزا داری

( نسرین سید )

Nasreen Syed