عجیب صاف گو تھا وہ کہ آسرا بھی لے گیا

Ajeeb Saaf go tha wo kay Aasra bhi lay Gaya

عجیب صاف گو تھا وہ کہ آسرا بھی لے گیا
دیا تو وہ بجھا گیا دیا بجھا بھی لے گیا

سفر حیات کا کریں تو کس طرح سے طے کریں
وہ منزلیں بھی لے گیا وہ راستہ بھی لے گیا

شراب بھی فریب تھی یہ اب ہمیں خبر ہوئی
وہ مے کدے سے کیا گیا کہ مے کدہ بھی لے گیا

دیا تھا اس نے مجھ کو کیا بس اک امید کے سوا
وہ جاتے وقت شہر سے یہ اک عطا بھی لے گیا

دکھاتا تھا جو ہر گھڑی کتابی آنکھیں جاگتی
جو وقت بے رحم گیا وہ آئنہ بھی لے گیا

زمانے کے خداؤں میں گھرا یہ سوچتا ہوں میں
یہ گردشِ زمانہ کیا مرا خدا بھی لے گیا

یہ غم نہیں کہ وقت نے شکستہ حال کر دیا
یہ دکھ ہے وقت مجھ سے میرا حوصلہ بھی لے گیا

تقی حیدر تقی

Syed Taqi Haider Taqi