محبتوں کے سفر رائیگاں نہیں ہوتے

Mahbatoo kay safar Raieegan Nahi hoty

غزل

محبتوں کے سفر رائیگاں نہیں ہوتے
جو ساتھ چلتے ہوئے بدگماں نہیں ہوتے

اسی جہان میں جیتے ہیں زندگی اپنی
وہ جن کے سر پہ کبھی آسماں نہیں ہوتے

سفر سے پہلے ذرا سوچ لے پری پیکر
کہ راہ عشق میں منزل نشاں نہیں ہوتے

مرا وجود بکھرتا نہ آئینے کی طرح
جو پتھروں کے نگر درمیاں نہیں ہوتے

یہی سوال ہے الفت کے دیوتا سے مرا
وفا کی راہ میں کانٹے کہاں نہیں ہوتے

ہر اک وجود کی نسبت ہے خاکدانوں سے
نہیں جو آپ تو ہم بھی یہاں نہیں ہوتے

کروں تو کیسے میں تفسیر غم کے ماروں کی
کچھ ایسےدکھ ہیں جومجھ سے بیاں نہیں ہوتے

ہے پنچھیوں سے لگاوٹ اسی لیے تابشِ
کہیں بھی میری طرح سے مکاں نہیں ہوتے

شہزاد تابشِ

Shazad Tabish