کچھ اور شغل شبِ انتظار کیا کرتا

Kuch Aur Shagle Shab e Intizar kiya karna

غزل

کچھ اور شغل شبِ انتظار کیا کرتا
سِوائے دامنِ دل تار تار کیا کرتا

مِرے مزاج کی شائِستگی نے روک دیا
میں دُشمنوں پہ کوئی اپنے وار کیا کرتا

ھواس و ھوش ھی قائم نہ رہ سکے میرے
پھر اھتمامِ سرِ کوئے یار کیا کرتا

کبھی نکل نہ سکا ذات کے حِصار سے جو
کسی کی ذات پہ وہ انحِصار کیا کرتا

کچھ اپنے واسطے جینا بھی ھوگیا لازم
کسی کی یاد میں دل سوگوار کیا کرتا

یہ دل تو مائلِ صحرا نوردی تھا میرا
سو اپنی زندگی تجھ پہ نثار کیا کرتا

غموں کا ایک سمُندر رواں ھو جس دل میں
اسے سنا کے غزل بے قرار کیا کرتا

میں اس کے سامنے کچھ بھی تو کہہ سکا نہ نظر
زبان پر نہ رھا اختیار کیا کرتا

نظر فاطمی

Nazar Fatmi