ہم کو ان کی ہی۔۔۔۔۔۔۔ راس آئی چوٹ
یوں تو بہتوں سے ہم نے کھائی چوٹ
دوست، احباب۔۔۔۔۔ ہوں نہ شرمندہ
اس لئے ان سے بھی چھپائی چوٹ
اف بھی نکلی نہ میرے ہونٹوں سے
اس نے ہر طرح۔۔۔۔۔۔۔۔۔ آزمائی چوٹ
وار ان کا۔۔۔۔۔۔۔۔۔۔۔ خطا نہ ہو جائے
جان کر ہم نے دل پہ کھائی چوٹ
زخمِ دل سے۔۔ رِسے گا خون سدا
اس نے لہجے سے وہ لگائی چوٹ
چوٹ کھا کر بھی ہم جو مسکائے
دیکھیے کیسی۔۔۔۔۔۔ تلملائی چوٹ
کردیا اس نے خود سپرد مجھے
گرم لوہے پہ۔۔۔۔۔ وہ لگائی چوٹ
ساری چوٹوں کو۔۔۔۔۔بھول جاؤ گے
کھا کے دیکھو کبھی نسائی چوٹ
بن ترے۔۔۔۔۔۔۔۔۔۔ یہ سفر نہیں کٹتا
تجھ سے کرتے ہیں آشنائی، چوٹ
اب تو ٹیسوں سے۔۔۔۔۔۔۔ لطف آتا ہے
ہم نے اپنوں سے اتنی کھائی چوٹ
اقبال گوہر