آداب ضبط عشق نہ رسوا کرے کوئی

Aadaab e zabt e Ishq na Ruswa Karay Koi

آداب ضبط عشق نہ رسوا کرے کوئی
اپنی بساط دیکھ کے سودا کرے کوئی

کیا طور ہر فراز سے اٹھے غبار شوق
وہ سوز اشتیاق تو پیدا کرے کوئی

کرتے ہیں غم سے مانجھ کے فطرت کو آب دار
کار جنوں میں ہم سے افادہ کرے کوئی

اٹھے دہن دریدہ سبھی دعویدار عشق
اب کیا کسی کے عشق کا دعویٰ کرے کوئی

گزری ہے بار بار صبا اک مقام سے
شاید کبھی ادھر کا ارادہ کرے کوئی

ایسا نہ ہو کہ ضبط کے آداب سے بھی جائیں
اس درجہ التفات نہ برتا کرے کوئی

نسیم سید

Naseem Syed