آنکھیں زباں نہیں  ہیں مگربے زباں نہیں

Aankhain Zaban Nahi Hain magar Bayzaban Nahi

غزل

آنکھیں زباں نہیں  ہیں مگربے زباں نہیں
مجھ  سے کو ئی  خیال  تمہارا نہاں  نہیں

جز آنسوؤں  کے شدّت  شادی  و غم  سدا
فی الفور جذب  دل کا کوئ  ترجماں  نہیں

پہنچے سن شعور  کو جس دن  سے آج  تک
کس روز ہم  پہ مشق ستم ،آسماں ! نہیں

خوش فہمیوں میں جی لۓکچھ دیرسوچ کے
شاید وہ غیر  پر بھی  کبھی  مہرباں نہیں

اک  سایۂ  شجر تھا  فقط  لے   گئ  خزاں
سر  پر مجھےنصیب  کبھی  سائباں  نہیں

ثابت یہ تجربہ سے ہوا بھول  تھی  مری
یہ  انجمن  بھی  حلقۂ   دانشوراں  نہیں

سینوں میں اپنے لےکےگئے اہل فن ہنر
دیکھا جو  فی  زمانہ  کوئ   قدر  داں  نہیں

دھرتی کو اب مٹاکے ستاروں پہ جا بسیں
ہیں یوں ہی کوششیں کہیں جاۓاماں نہیں

آۓ  رضیّہ جس کے  بلاوے  پہ  بزم  میں
مہمان  ڈھونڈ تے ہیں  وہی  میزباں  نہیں  

رضیہ کاظمی

Razia Kazmi