Abh sar e bazm matanat nahi hogi ham say
غزل
اب سرِ بزم متانت نہیں ہو گی ہم سے
فتنہ گر تیری اعانت نہیں ہو گی ہم سے
باعثِ شرم ارادوں پہ سوال اُٹھے گا
یاد رکھ کوئی ضمانت نہیں ہو گی ہم سے
گر تفاخر ہے یہ احساسِ وفاداری تو
اب امانت میں خیانت نہیں ہو گی ہم سے
احتراماً ہی بتایا کہ تحمل کیجئے
ایسی ہر بار دیانت نہیں ہو گی ہم سے
ہر سخن اپنی جگہ رکھتا ہے اپنا ہی متن
درگزر کوئی اہانت نہیں ہو گی ہم سے
خالد میر
khalid meer