اتنا سا ان کی بات کا لبِ لباب تھا
بارش گھٹائیں بجلیاں رستہ خراب تھا
اک مفلسی کے طاق میں جلتا ہوا دیا
جو شخص اپنی ذات میں خود آفتاب تھا
عرصہ دراز ہوگیا آیا نہ خواب میں
وہ باپ جس کو دیکھنا حج کا ثواب تھا
ہاتھوں کو ڈال کر ترے ہاتھوں میں چل دیے
وہ کلپنا تھی سپنا تھا شاید سراب تھا
لفظوں میں اضطراب تھا لہجے میں استعجاب
حالانکہ ہر سوال میں اسکے جواب تھا
میں نے بغور دیکھےہیں آنکھوں کے دو دیے
ان دو دیوں میں رکھا ہوا آفتاب تھا
ذلفیں دراز نازکی لب جسم مرمری
وہ سر تا پا سوال تھا میں لاجواب تھا
اک لمحہ جس کا ملنا غضنفر محال ہے
وہ شخص صبح و شام مجھے دستیاب تھا
سید غضنفر علی