افسانہِ دنیا کا ہے کردار محبت

افسانہِ دنیا کا ہے کردار محبت
ہر بار ملے درد تو ہر بار محبت۔۔

موسم بھی محبت در و دیوار محبت۔۔
بس صرف محبت۔مری تکرار محبت۔۔

میں شہرِ محبت کی مکین ہوں سو ہیں میرے۔۔
جذبے بھی محبت۔مرا پندار محبت۔۔

یوں تو رہے بدنام بھی شوریدہ سری میں۔۔
پر اہل۔جنوں کو نہیں دشوار محبت۔۔

کچھ لفظ دعاؤں کے اسے بھیج دئے ہیں۔۔
دشمن کو جھکانے کے لئے وار محبت۔۔

اندازہ نہیں آج بھی اس کار۔نمو کا۔۔
کس موڑ پہ ٹہرے جنوں آثار محبت۔۔

چھلکے ہے دل و جاں سے دھنک رنگ کی صورت۔۔
خوابوں کے تسلسل میں بھی بیدار محبت۔۔

ہوتی نہ مری جیت ترےشہر۔اماں میں۔
صد شکر کہ ہے میری طرف دار محبت۔۔

اک زیست پہ موقوف نہیں شوق۔تمنا۔۔
سو بار ملے زیست تو سو بار محبت۔۔

جینے کو جتن آپ نے سو بار کئے ہیں۔۔
کر کے تو زرا یکھئے اس بار محبت۔۔

حجاب عباسی