انہی کے نقشِ پا کے یہ نشاں ہیں

Inhi Kay Naqsh e paa kay yeh Nishaan Hain

غزل

انہی کے نقشِ پا کے یہ نشاں ہیں
ستارے آسماں در آسماں ہیں

فقط اک چاند تارا دیکھتے ہو
بہت سے چاند تارے آسماں ہیں

ہماری زندگی اپنی نہیں ہے
کئی رشتے ہمارے درمیاں ہیں

وہ ڈسنے کے مواقع ڈھونڈتے ہیں
خداوندا یہ کیسے مہرباں ہیں

یہ زخموں کے نشاں ہر گز نہیں ہیں
مرے دل پر محبت کے نشاں ہیں

برابر مرد و زن کا اب ہے رشتہ
حسینوں کی ادائیں اب کہاں ہیں

کوئی چارہ کرو ثاقب چمن کا
ابھی دشمن تمہارے باغباں ہیں

رانا افتخار احمد ثاقب

Rana Iftikhaar Ahmed Saqib