un pa karty ho mehrbaani kyu
غزل
ان پہ کرتے ہو مہربانی کیوں
اور مجھ سے یہ بدگمانی کیوں
خون ارزاں ہوا زمانے میں
اور مہنگا ہوا ہے پانی کیوں
ہے محبت تمہیں بہت مجھ سے
"کر رہے ہو غلط بیانی کیوں”
خط رکھے جو سنبھال کر ہم نے
ہیں شکایت بھرے نشانی کیوں
راز رکھا تھا میں نے جان من
ہر زباں پر تری کہانی کیوں
ضبط ہم نے کیا جدائی کو
ہوئی اشکوں کی یوں روانی کیوں
ہم نے معصوم کچھ نہ شکوہ کیا
ہوئی مشکل یہ زندگانی کیوں
انعام الحق معصوم صابری
Inam Ul Haq Masoom Sabri