اُسے جو آنکھ میں دیکھا ، نَمی چھپاتے ہوۓ
میں ہنس پڑا تھا ، ۔۔۔۔ غمِ دِل اسے سناتے ہوۓ
خوشی کی سَاعتیں ، ہم کو نہ راس آئیں کبھی
ہزار دَرد سَہے ہیں ، ۔۔۔۔۔۔۔ خوشی مَناتے ہوۓ
تمہاری یاد نے ۔۔۔۔۔۔ سب کچھ بُھلا دیا دل سے
میں تھک گیا ہوں یہ ۔۔۔۔۔۔ بار ِ گراں اٹھاتے ہوۓ
عجیب نظروں سے ۔۔۔۔۔۔۔ تیری گلی نے دیکھا ہے
کبھی جو پُوچھ لیا تیرا ، ۔۔۔۔۔۔۔۔ آتے جاتے ہوئے
تھی اِک بَہار ، ۔۔۔۔۔۔ خیالوں کے کینوس پہ مِرے
میں باغ باغ ہوا ۔۔۔۔۔۔۔۔۔۔۔۔۔۔ تِتلیاں بناتے ہوۓ
نہ ڈَھا سکے کبھی دل کا صَنم کدہ ، اے دوست!
اگرچہ عمر کٹی ۔۔۔۔۔۔۔۔۔۔۔ مٙسجدیں بناتے ہوۓ
کٹھن ہیں زیست کی راہیں ، خیال ِ یار کی خیر
گزرتا جاتا ہوں ۔۔۔۔۔۔۔۔۔۔۔ میں شعر گنگناتے ہوۓ
میں آسماں پہ سِتارے جو دیکھتا ہوں ، عظیم
دِکھائی دیتے ہیں یہ ۔۔۔۔۔۔۔۔۔۔ لَوریاں سناتے ہوۓ