اگر پردے سے باہر وہ سراپا نور ہوجائے
یہیں اک وادیٔ ایمن بنے اک طور ہوجائے
فغانِ دل شکستِ صد حجابِ نور ہوجائے
نگاہِ شوق کیوں صحرانوردِ طور ہوجائے
مسخّر جس نظر نے کر لئے کون و مکاں دونوں
عجب کیا کائناتِ دل اگر مسحور ہوجائے
تصور جب رخِ تاباں کا ہو میری نگاہوں میں
تجلی سے بُن کون و مکاں معمور ہوجائے
تمہارے ذکر میں ہیں تیر و نشتر کے مزے قاتلؔ
تمہارا نام تسکینِ دل رنجور ہوجائے
قاتل اجمیری