loader image

MOJ E SUKHAN

اردو شعراء

05/08/2025 16:17

اگر کچھ موڑ رستے میں نہ آتے

غزل

اگر کچھ موڑ رستے میں نہ آتے
تو ممکن تھا تجھے ہم بھول جاتے

متاع ہوش کی بازی لگا کر
بساط عشق پہ ہم ہار جاتے

کہاں ماضی کہاں امروز و فردا
کہاں سے داستاں اپنی سناتے

غرور ضبط سے پہلو بچا کر
تمہیں کو دوستو ہم آزماتے

اگر ہوتا نہ کچھ خود پر بھروسہ
تمہیں اے دردؔ ہم محرم بناتے

وشو ناتھ درد

Email
Facebook
WhatsApp

مزید شاعری

رباعیات

غزلیات
نظم