بس دیکھتے ہیں ہر شب جو خواب عاشقی کے

Bus Dekhty Hain Her Shab jo khowab aashqi kay

غزل

بس دیکھتے ہیں ہر شب جو خواب عاشقی کے
آتے نہیں ہیں ان کو آداب عاشقی کے

زلفوں کے پیچ وخم کو تقدیر جانتے ہیں 
ان کی زبان پر ہیں القاب عاشقی کے

جن کے خیال میں ہے صحرا کی بد نصیبی
نہ ان کے پاس دیکھو مہتاب عاشقی کے

دیکھا ہے اس زمیں نےایسا بھی اک زمانہ
کھلتے تھے ہر قدم پر سو باب عاشقی کے

اے شہر نامرداں اب تو بتا کہ تو نے
دیکھے ہیںمیرے جیسے ارباب عاشقی کے

دشمن تو جا بجا ہیں ان کا شمار کیا ہو
اب خاک پر کہاں ہیں احباب عاشقی کے

اک شیشہ گر نے مجھ سے اتنا کہا کہ سارب
آئینے کیوں ملیں گے بے آب عاشقی کے

رشید سارب

Rasheed Sarib