بند آنکھوں سے مرا خواب چھپایا تم نے

Band aankhoo main mra khowab chupaya tum nay

غزل

بند آنکھوں سے مرا خواب چھپایا تم نے
مسندِ دل پہ بصد شان بٹھایا تم نے

کیا کبھی مجھ سے بھی چاہی تھی اجازت اس نے
کیوں مرے نام کا تمغہ یہ سجایا تم نے

روبرو آئنہ دیکھا جہاں سوچا تم کو
یوں تصور میں سہی عکس دکھایا تم نے

زخمِ دل تو بڑی مشکل سے بھرا کرتے ہیں
کس طرح داغ سہولت سے مٹایا تم نے

ساگرِ غم میں تو میں ڈوب چلی تھی شاہیں
تھام کر ہاتھ مرا مجھ کو بچایا تم نے

شاہین برلاس

Shaheen Barlas