بن نہ بن میری جان ،جھوٹ نہ بول
بس مجھے اپنا مان ، جھوٹ نہ بول
کیا کہا ، مجھ کو چاہتا ہے تُو
ہو رہی ہے اذان ، جھوٹ نہ بول
خوش ہوں اُس کے بغیر ، میں نے کہا
مجھ سے بولی زبان ، جھوٹ نہ بول
یہ محبت نہیں ہے ، دھوکا ہے
تُو نہیں مہربان ، جھوٹ نہ بول
رات تُو دیر تک نہیں سوتی
بلب ہوتا ہے آن ، جھوٹ نہ بول
یہ کلائی پہ کس کے ہا تھوں کے
پڑ گئے ہیں نشان ؟ جھوٹ نہ بول؟
دیکھ شہباز ، دل کی باتوں میں !
میرے شیریں بیان ، جھوٹ نہ بول !
شہباز نیر