Tabindagi Main Br e Muneeran say kam nahi
غزل
تابندگی میں بدرِ مُنیراں سے کم نہیں
میرا صنم تو یوسفِ کنعاں سے کم نہیں
ارض و سماں میں اُسکے ہی جلوے ہیں ہر طرف
ہر شےؑ یہاں کی پرتٙوِ جاناں سے کم نہیں
اُسکا جمالِ روےؑ مبیں دیکھنے کے بعد
جو حال ہے وہ حالِ پریشاں سے کم نہیں
صد شکر ہے غلام کیا آپ نے مجھے
یہ لطف آپ کا کسی احساں سے کم نہیں
بس اک نگاہ بر سرِ مژگاں حضور ہو
اشکوں کا رقص, جشنِ چراغاں سے کم نہیں
ساقی تری نگاہ سے شیشے میں ہے پری
کیف و سرور, بادہ و پیماں سے کم نہیں
وہ ہی فقط ہے جس پہ مُصمّم یقین ہے
اب تو ضیا وہ حاصلِ ایماں سے کم نہیں
سید محمد ضیا علوی
Syed Mohammad Zia Alvi