Tujh Ko Dekhoon tu sukoon jaan e jigar aata Hay
تجھ کو دیکھوں تو سکوں جان جگر آتا ہے
تو ہی بس یاد ہمیں شام و سحر آتا ہے
جس طرف آنکھ میں اٹھاؤں تجھی کو پاؤں
سچ کہوں تو مجھے ہر سو ہی نظر آتا ہے
زندگی تو کہیں رکتی نہیں دکھتی مجھ کو
موڑ در موڑ نیا پیش سفر آتا ہے
کتنا شیریں بیاں ہے لہجہ مرے ہمدم کا
بات سے دل میں سمانے کا ہنر آتا ہے
خوش نصیبی ہے مری ساتھ ملا ہے تیرا
سب کی قسمت میں کہاں لعل و گہر آتا ہے
جیسے پڑتے ہیں سمندرمیں بھنور دلکش سے
اس کے گالوں پہ نظر ویسا بھنور آتا ہے
اس کو ریحانہ سلامی دیں ستارے اکثر
بزم میں جب کبھی وہ رشکِ قمر آتا ہے
ریحانہ اعجاز
Rehana Aijaz