تقدیسِ کْل جہان ہے عرفانِ مصطفی
انسانیت کا مان ہے احسانِ مصطفی
جن کے وجودِ پاک کا مظہر ہے کائنات
رحمت کا سائبان ہے دامانِ مصطفی
سیرت مرے نبی کی قرینہ حیات کا
حقانیت کی شان ہے فیضانِ مصطفی
شق القمر کا معجزہ حسنِ کمال تھا
تائیدِ کل زمان ہے شایانِ مصطفی
ہر جا سرور و کیف ہے آقا کے شہر میں
شاہِ زمن کا مان ہے ایمانِ مصطفی
امّت کی شفاعت مرے سرکار کی خواہش
آسی کا ترجمان ہے ارمانِ مصطفی
یارب تو شاد رکھ مجھے حسنِ کمال دے
تسلیمِ قلب و جان ہے ایقانِ مصطفی
شجاع الزماں خان شاد