تمہاری یاد میں دنیا کو ہوں بھلائے ہوئے

Tumhari Yaad main Dunya ko hain Bhulayee Hoyee

غزل

تمہاری یاد میں دنیا کو ہوں بھلائے ہوئے
تمہارے درد کو سینے سے ہوں لگائے ہوئے

عجیب سوز سے لبریز ہیں مرے نغمے
کہ ساز دل ہے محبت کی چوٹ کھائے ہوئے

جو تجھ سے کچھ بھی نہ ملنے پہ خوش ہیں اے ساقی
کچھ ایسے رند بھی ہیں مے کدے میں آئے ہوئے

تمہارے ایک تبسم نے دل کو لوٹ لیا
رہے لبوں پہ ہی شکوے لبوں پہ آئے ہوئے

اثرؔ بھی راہرو دشت زندگانی ہے
پہاڑ غم کا دل زار پر اٹھائے ہوئے

اثر صہبائی

Asar Sehbaee