تیرے در پر گُناہ گار آئے
تیرے در پر ہیں شرمسار آئے
کعبہ پر جب پڑی تھی پہلی نظر
اشک آنکھوں میں بے شُمار آئے
یا الہیٰ ہو مُجھ پہ نظرِ کَرَم
میرے گُلشن میں بھی بہار آئے
میں حَرَم میں رہوں مِری یہ مجال ،
آنکھ میں نیند کا خُمار آئے ؟
خوش نصیبی ہے کہ حَرَم میں ہم
چار دن چَین کے گُزار آئے
پھِر بُلاوا ہو میرا یا اللہ
دن خوشی کا یہ بار بار آئے
جب بھی کعبہ کو دیکھوں میں “شہناز”
رب پہ بے اختیار پیار آئے
شہناز رضوی