جب بھی ملتے ہو مجھے خاص بنا دیتے ہو

JAB BHI MILTY HO MUJHY KHAAS BNA D ETAY HO

جب بھی ملتے ہو مجھے خاص بنا دیتے ہو
مجھ میں چاہت کے حسیں پھول کھلا دیتے ہو

سوجھتی کیا ہے تمہیں ایسی شرارت آخر
شاخ پر بیٹھے پرندوں کو اڑا دیتے ہو

کیا تمہیں کم ہے میری شمع محبت کی ضیا
میرے ہو تے جو چراغوں کو جلا دیتے ہو

سوچتی ہوں تمہیں مجھ سے محبت ہے کتنی
مہکی کلیوں کو میرا نام بتا دیتے ہو

عشق کے کھیل میں تم کو یہ ہنر ہے حاصل
ہار کے خود کو سدا مجھ کو جتا دیتے ہو

بات کرتے نہیں، ہنستے نہیں، ملتے بھی نہیں
تم بھی کیا خوب محبت کی سزا دیتے ہو

شازیہ عالم شازی

SHAZIA ALAM SHAZI