جس کی عادت ہو سب بھُلا رکھنا

جس کی عادت ہو سب بھُلا رکھنا
اُس سے اُمّید کیا بھُلا رکھنا

میرے تو خون میں مُحبّت ہے
تُم مگر اپنا دل بڑا رکھنا

جو بھی حالات ہوں مِرے ہمدم
اپنے دل میں مِری جگہ رکھنا

مُشکلیں جس قدر بھی ہوں درپیش
تُم سُلُوک اپنا بس روا رکھنا

عیش و عشرت کی زندگی میں بھی
درد سے خُود کو آشنا رکھنا

ہو بھی جائے اگر اندھیرا ، تُم
دل کی شمع مگر جلا رکھنا

جانے کب لَوٹ آئے وہ “شہناز”
قلبِ مُضطر کا در کھُلا رکھنا

شہناز رضوی