جو تری مجھ پہ مہربانی ھے

Jo Tri Mujh Pa Mehrbaani Hay

غزل

جو تری مجھ پہ مہربانی ھے
اس کی پوشیدہ اک کہانی ھے

مندمل ہوں تو زخم کیسے ہوں
ان پہ جو غم کی حکمرانی ھے

ھو گیا پاش پاش ٹکرا کے
تو نے پتھر سے کیسی ٹھانی ھے

خاک گلیوں کی اس سے ھے بہتر
ہائے یہ کیسی ہائے رانی ہے

رنج و غم کی جو آگ ہے دل میں
شعر کہہ کر وہی بڑھانی ہے

غم نکھر جاتے ھیں جو مل جائے
عشق تحفہ تو آسمانی ھے

دشت وحشت غموں سے ڈر کیسا
دوستی ان سے تو پرانی ھے

مجھ کو آسان مت سمجھ اتنا
سن کہانی میں اک کہانی ھے

بات میری میں ھے بہت دم خم
روبرو ان کے بے معانی ھے

آئینہ کہہ رہا ہے اے شاہیں
تجھ پہ یہ کس کی راجدھانی ہے

شاہین مغل

Shaheen Mughal