حالات ہوں جیسے بھی بس اِک کام کِئے جا
اللہ کا ہر حال میں تُو نام لِئے جا
کیسی ہے یہ عادت تِری سوچا کبھی تُو نے ؟
جس پر تِرا دل چاہے تُو اِلزام دِئے جا
حالات مُعافق نہ بھی ہوں ، تب بھی مِری جاں
اِک ایک کر کے صبر کے تُو گھونٹ پِئے جا
اے غُنچہ دہن ، شیریں سُخن ، جانِ چمن سُن
اللہ کی عطاؤں پہ تُو بس شُکر کئے جا
پھَیلے نہ تِرا ہاتھ کسی غیر کے آگے
اللہ جو دیتا ہے تُجھے بس وہ لئے جا
بڑھ جائے نہ دیوانگی ، سینے سے گریباں
مت چاکِ گریباں کو مسلسل تُو سِئے جا
صد شُکر کہ دامن میں ہیں بس ماں کی دُعائیں
“شہناز” تُو بس ماں کی دُعاؤں میں جِئے جا
شہناز رضوی