حیدر ہی نبرد آزما ہر بار نہ ہوتے
گر لشکرِ اسلام میں فرار نہ ہوتے
بدر و اُحد و خندق و خیبر، شبِ ہجرت
کیا ہوتا اگر حیدر کرار نہ ہوتے
جاں بیچ کے سوئے تھے علی یوں شبِ ہجرت
دشمن نہ جگاتے تو وہ بیدار نہ ہوتے
دینِ شہ لولاک بھلا کیسے پنپتا
گر عطرت و اصحابِ وفادار نہ ہوتے
خندق ہی میں ہوجاتی نگو شوکتِ اسلام
حیدر بھی اگر لڑنے پہ تیار نہ ہوتے
تھی شرطِ رجل پھر بھی تمنّا تھی علم کی
ہوتے نہ علی تب بھی وہ حقدار نہ ہوتے
مَن کُنتُ کے معنی جو سمجھ لیتے مسلماں
مولا سے کبھی برسرِ پیکار نہ ہوتے
سبطِ جعفر زیدی