دلِ تباہ کو یوں بے قرار کرتے رہے
خزاں میں رہ کہ بھی ذکرِ بہار کرتے رہے
یہ جانتے ہوۓ یہ شوق رائیگاں ہو گا
شبِِِ فراق کا ہم انتظار کرتے رہے
سرشتِ گْل ہی سبب ہے وجودِ نقش و نگار
طوافِ منزلِ جاناں ہزار کرتے رہے
ہمیں خبر تھی کہ تعمیرِ بام و در ہے فریب
نشانِ منزلِ امکاں سے پیار کرتے رہے
مثالِ شمع تھے روشن تھے رفتگانِ کمال
ہم اپنے دور میں شاطر شمار کرتے رہے
سرورِ کشمکشِ جبر و اختیار کے بیچ
وجودِ جان کو بندِ حصار کرتے رہے
ہے شآد چال پرانی طلسمِ پیچ و تاب
یہ بے بسانِ چمن اعتبار کرتے رہے
شجاع الزماں خان شاد