دنیا تری روانی میں انسان بہہ گیا

Dunya Tri rawani Main Insan Beh Gaya

غزل

دنیا تری روانی میں انسان بہہ گیا
یعنی کہ گھونٹ پانی میں نادان بہہ گیا

اسکی رفاقتوں کی ضرورت مجھے بھی تھی
دلبر جو رکھ رکھاؤ میں سامان بہہ گیا

جو بچہ گم شدہ تھا لگا ماں کے جب گلے
جذبات تیرے رنگوں کا طوفان بہہ گیا

جو دے رہا تھا بیچ بھنور مجھ کو قوتیں
وہ میرا حوصلہ سرِ میدان بہہ گیا

پر کھوں کی لاج کا نہیں ہے پاس اب اسے
تہذیب نو کی رو میں مسلمان بہہ گیا

کب مانتا تھا بات تو میرے دماغ کی
دلبر کے ہاتھ دل کا تبھی مان بہہ گیا

صد شکر آنسوؤں کی روانی میں معتبر
دشتِ یقیں میں روح کا وجدان بہہ گیا

شہناز انجم

Shahnaz Anjum