دور دل کا ملال کرتے ہیں

Door Dil Ka Malal Karty Hain

غزل

دور دل کا ملال کرتے ہیں
سلسلے سب بحال کرتے ہیں

دل کو پھر پائمال کرتے ہیں
خود کو یوں لازوال کرتے ہیں

نیت وصل باندھ لیتے ہیں
آرزوئے وصال کرتے ہیں

راستے میں بچھے رہیں کب تک
نین میرے سوال کرتے ہیں

اور کوئی بھی کر نہیں سکتا
آپ جتنا خیال کرتے ہیں

لوگ ایسے یہاں بھی بستے ہیں
جو کہ جینا محال کرتے ہیں

آپ کیوں میری فکر میں اپنے
رائیگاں ماہ و سال کرتے ہیں

ایک جادو سا مجھ پہ زرغونے
آپ کے خدوخال کرتے ہیں

زرغونہ خالد

Zarghoona Khalid