دِل میں حٙسرت ، خواب آنکھوں میں ، طلب دیدار کی

Dil Main Hasrat Khowab Aankhoo Main Talab Deedar ki

غزل

دِل میں حٙسرت ، خواب آنکھوں میں ، طلب دیدار کی
مُختصٙر سی ہے کہانی ۔۔۔۔۔۔۔۔۔۔۔۔ بٙس ہمارے پیار کی

کِھینچ پاتا کاش! ۔۔۔۔۔۔۔ میں تصویر حُسن ِ یار کی
شربتی آنکھوں کی ۔۔۔۔۔۔۔ اُن دٙہکے لٙب و رُخسار کی

” جٙوہر ِ قابل ” ۔۔۔۔۔۔۔۔۔ تِرے انداز کی ، اٙشعار کییو
مُعترِف ہے ایک دُنیا ۔۔۔۔۔۔۔۔۔۔۔۔۔۔ ” دِیدۀ ِ بٙیدار ” کی

عالم ِ فانی سے ” عٙالٙم ” ۔۔۔۔۔۔۔ ہائے! یُوں رُخصت ہوا
جیسے دٙو سٙطری خبر ہو ۔۔۔۔۔ ” پٙاسباں ” اٙخبار کی

کھائے ہیں ہم نے طمانچے ، ۔۔۔۔ ‘جٙون’ کی تقلید میں
گر یقیں نا آئے ، ۔۔۔۔۔۔۔۔ سُرخی دیکھ لو رُخسار کی

اٙشک مِٹی کو دِیے ، ۔۔۔۔۔۔۔۔۔۔۔۔۔۔ گُل ہائے تازہ کے لیے
خٙار پٙلکوں سے چُنے ، ۔۔۔۔۔۔۔۔۔ یُوں رِہ تِری ہٙموار کی

ہے مُحبت جُرم تو ۔۔۔۔۔۔۔۔۔۔۔ یہ تیغ ہے ، یہ پُھول ہے
سٙر جُھکائے ہم کھڑے ہیں ، اب جو مٙرضی یار کی

ہار کر بھی شادماں ہُوں ، ۔۔۔۔۔ وہ پٙشیماں جیت کر
ہو بٙھلا کیسے تلافی ۔۔۔۔۔۔۔۔۔۔ جیت کر بھی ہار کی

عِشق کے اس کھیل میں ۔۔۔۔۔ ہوتا ہے بٙس جِی کا زیاں
کون جیتا ، کون ہارا ، ۔۔۔۔۔۔۔۔۔۔۔ بٙحث ہے بیکار کی

میں ، کہ مجبور ِ اٙنا تھا ، ۔۔۔۔۔۔۔ سٙو پٙلٹتا کِس طرح
گونجتی ہے بازگشت ۔۔۔۔۔۔۔۔ اب بھی صدا اک یار کی

بٙیچتے ہیں ہم جُنوں پیشہ ۔۔۔۔۔۔۔۔۔۔ دٙوائے دٙرد ِ دل
کیا بتاؤں اب حقیقت ۔۔۔۔۔۔۔۔۔۔۔۔۔۔۔ گرمئ ِ بازار کی

جِتنے دُشمن ہیں مِرے ، ۔۔۔۔۔ ہیں یار بھی اُتنے مِرے
اِک تناسُب سے ہمیشہ ۔۔۔۔۔۔۔۔۔ میں نے یہ بٙیگار کی

بٙے غٙرض تو کوئ ۔۔۔۔۔۔۔۔ سٙجدہ بھی نہیں کرتا یہاں
چڑھتے سُورج کو سٙلامی ، ۔۔۔۔ رِیت ہے سٙنسٙار کی

زٙر کے ہاتھوں بِک چکے ۔۔۔۔۔ یہ پاسبان ِ مُلک و دِیں
اب کہاں حُرمت وٙطن کی ، ۔۔۔۔۔۔ دِین کی ، تلوار کی

عٙظمت ِ رٙفتہ ہوئ ۔۔۔۔۔۔۔۔ اِک بُھولی بِسری داستاں
رہ گئیں پٙرچھائیاں ۔۔۔۔۔۔۔۔۔ گُفتار کی ، کِردار کی

آندھیوں کے ہیں مُقابل ، ۔۔۔۔۔۔ دُھوپ میں ہیں سائباں
کِس طرح عظمت بٙیاں ہو ۔۔۔۔۔۔ باپ کی ، اٙشجار کی

خانہ ِ دل کی مُرمّٙت ۔۔۔۔۔۔۔۔ کر رہا ہوں یُوں ، عظیم
پِھر سے خواہش جاگ اُٹھی ہے کِسی کے پیار کی

یونس عظیم

Younus Azeem