رابطہ کم سے کم ہوا تو ہے

Rabita Kam say Kam Howa to hay

غزل

رابطہ کم سے کم ہوا تو ہے دو
دور رہ کر بھی وہ مرا تو ہے

کیسے شکوہ کروں کہ جب میں نے
زندگی تجھ پہ کچھ لکھا تو ہے

مجھ سے پوچھا سزاؤں کا مطلب
زندگی کہہ دیا سزا تو ہے

ہجر میں بے تکی مشقت کا
یہ مری شاعری صلہ تو ہے

کیا یہ کم ہے کہ زندگی تجھ سے
میرا جیسا ہے واسطہ تو ہے

شکریہ رنج و غم کی دولت کا
تجھ سے کچھ کم سے کم ملا تو ہے

دل کا شکوہ بجا نہیں فہمی
دل میں غم کا جہاں بسا تو ہے

فریدہ عالم فہمی

Fareeda Aalam Fehmi