روا داری کا ساگر موجزن ہے

Rawa dari ka sagar mojazan hay

غزل

روا داری کا ساگر موجزن ہے
رگِ جاں میں تشکر موجزن ہے

توانائی چھپی ہے روشنی میں
تڑپ ذرے کے اندر موجزن ہے

رگِ دل میں تسلسل سے ہماری
وفاداری کا جوہر موجزن ہے

محبت ،عشق اور نوحہ گری کا
مرے دل میں سمندر موجزن ہے

مرے پاؤں دھمالی ہو رہے ہیں
جنوں ہاۓ قلندر موجزن ہے

عجب راہِ کرم ہے عاشقانہ
نظر میں ایک منظر موجزن ہے

شائستہ کنول عالی

Shaista Kanwal Aali