Zinda hoon zindagi kay ghamoo ko sanbhalnay
نظم
زندہ ہوں زندگی کے غموں کو سنبھالنے
پیتا ہوں دھڑکنوں کی دھنوں کو سنبھالنے
ایثارِ آدمی کی نہیں قدر اب یہاں
لوگوں کو دوستوں کی نہیں فکر اب یہاں
احساسِ بد گماں نے فسانے بنا لیے
چہروں پہ بے اماں کئی چہرے سجا لیے
بے تاب روح جیسے یہ آوارہ ہوگئی
مجبوریوں کی بات ہی دوبارہ ہوگئی
ٹوٹے ہوئے بدن کی مہک اور بڑھ گئی
تنہائیوں میں دل کی کسک اور بڑھ گئی
سوکھا ہوا گلاب بکھرتا چلا گیا
آنکھوں پہ خواب ایک اترتا چلا گیا
تم خوش رہو ہماری دعا ہے تمہیں یہی
اپنے خدا سے بات کریں تو کریں یہی
اس تیرگی سے خوف نہ کھانا اے ہم نشیں
جلتا ہوا چراغ ہوں میں اب یہیں کہیں
خالد میر
Khalid meer