سنورنے اور بگڑنے میں بتا دی زندگی میں نے
کبھی کی بندگی میں نے کبھی کی عاشقی میں نے
پھر اس کے بعد شہرِ دل کا موسم ہی نہیں نکھرا
مزاجِ یار میں دیکھی تھی اک دن بے رخی میں نے
نہ اب وہ جام ہے ساقی نہ کوئی زیست کا ساماں
خمارِ عشق میں چھوڑی تھی اک دن مے کشی میں نے
کبھی میں ان کی آنکھوں میں ابھرتا چاند تھا یارو
اور اب ان کی نگاہوں میں ہے کھو دی دلکشی میں نے
لبِ خاموش پر رقصاں بلا کی اک خطابت تھی
لہو کے ساتھ رگ رگ میں سنی تھی سنسنی میں نے
مراد ؔاک چاند میرے گھر میں پہلی بار اترا تھا
پھر اس کے بعدتو گھر میں بسا لی چاندنی میں نے
شفیق مراد