سوا نیزے پہ آکر جان رکھتا

Sawa Neezay pa aakar jaan Rakhta

غزل

سوا نیزے پہ آکر جان رکھتا
اگر وہ عشق کی پہچان رکھتا

کھرے کھوٹے کو تب ہی جان پاتا
صداقت پر اگر ایمان رکھتا

اگر وہ دل سے مجھ کو چاہتا تو
مرے دل کا کبھی تو مان رکھتا

سمجھ آتا مجھے اس کا چلن بھی
وہ شکوہ دل میں گر نادان رکھتا

سفر میں اس کو منزل مل ہی جاتی
اگر وہ ساتھ کم سامان رکھتا

اگر ہوتی مروت اس کے دل میں
ہمارے یاد سب احسان رکھتا

علم گر تھام لیتا ظرف کا تو
محبت میں الگ پہچان رکھتا

شاز ملک

Shaaz Malik