سپنے سہانے آن بسیں گے نَینَن نَینَن ان شا اللہ

Sapnay Suhanay aan Basain Gay Nainan Nainan In sha Allah

غزل

سپنے سہانے آن بسیں گے نَینَن نَینَن ان شا اللہ
منزل کی سب راہیں ہوں گی روشن روشن ان شاء اللہ

بستی بستی، قریہ قریہ، گلشن گلشن ان شاء اللہ
پیار کی خوشبو سے مہکے گا آنگن آنگن ان شاء اللہ

من کے پیڑ میں کومل کومل جذبوں کی کونپل پھوٹے گی
نِرمل نِرمل ہو جائے گا درپن درپن ان شاء اللہ

تتلی بھنورے رقص کریں گے، پیاسی دھرتی جل تھل ہوگی
اب کے ساون پھول کھلیں گے اُپوَن اُپوَن ان شاء اللہ

اب کے دعائیں عرش سے جھولی بھر کے واپس آئیں گی
دل کے یقیں پر کہتی ہے یہ دھڑکن دھڑکن ان شاءاللہ

تبسؔم اعظمی

Tabasum aazmi