مت سمجھنا زمانے سے ڈر جائیں گے

Mat Samjhna Zamanay say Dar Jaeen Gay

غزل

مت سمجھنا زمانے سے ڈر جائیں گے
ہم تو غازی ہیں لڑ لڑ کے مر جائیں گے

رُوئے تاباں کا دلکش لِبادہ لیئے
نور پھیلائیں گے ہم جدھر جائیں گے

کٹ گئیں ساعتیں جُستجو میں جہاں
حسرتوں کے بھی واں دن گزر جائیں گے

سنگ سا ہم بنا لیں گے خُود کو ابھی
سارے الزام شیشوں کے سَر جائیں گے

ہیں امیرِ سُخن تھے جو کل تیغ زَن
زخمِ دل زہرہ تیرے بھی بھر جائیں گے

زہرہ مغل

Zehra Mughal