مغربی اسلوب کی ماری ہوئی کچھ لڑکیاں
بات کرنا انگلو اردو میں سمجھیں فرض بھی
کر رہی تھی گھر میں پنکی بات یہ سسٹرز سے
پڑھ کے امریکہ سے آئے ہیں میرے سسرز بھی
باجی سچ مانو وہ اپنی "جینز” میں شاہینز ہیں
وہ لگیں ٹیچرز بھی ایکٹرز بھی شوہرز بھی
"مسجدز” میں جاکے یہ کوئی کہے "ملاز” سے
رنگ کچھ کلچرز میں بھرتے تو ہیں کافرز بھی
پھیکی پھیکی کیوں نہ ہو کالجز کی بزم سخنز
اب کہاں اقبالز اور غالبز سے شاعرز بھی
سید ضمیر جعفری