میں اب اتنی اکیلی ہوگئ ہوں

Main Ab itni akeeli ho gaee hoon

غزل

میں اب اتنی اکیلی ہوگئ ہوں
کہ خود اپنی سہیلی ہوگئ ہوں

کوئ آسیب مجھ میں بس گیا ہے
میں جنگل کی حویلی ہوگئ ہوں

تو مجھ کو سوچنا اب زندگی بھر
میں اب ایسی پہیلی ہوگئ ہوں

ترا غم پیرہن جب سے کیا ہے
میں دلہن سی نویلی ہوگئ ہوں

وفا کو اس طرح مانگا ہے تجھ سے
بھکارن کی ہتھیلی ہوگئ ہوں

ترے آنے کا سن کر سعدیہ میں
ہوا؛خوشبو؛چنبیلی ہوگئ ہوں

سعدیہ سراج

sadia siraj