میں کرپشن کی فضیلت کو کہاں سمجھا تھا

Purani Caar Ka madel Naya Honay Say Darta Hay

غزل

میں کرپشن کی فضیلت کو کہاں سمجھا تھا
بحرِ ظلمات کو چھوٹا سا کنواں سمجھا تھا

تاج محلوں کی جگہ تم نے بنائی قبریں
لیڈروں ہم نے تمہیں شاہ جہاں سمجھا تھا

پائنچے جینز کے ٹخنوں سے بہت اوپر تھے
میں ثریا کو ثریا کا میاں سمجھا تھا

ماں نے بیٹی سے کہا تیری خطا ہے اس میں
تو نے سسرال میں کیوں ساس کو ماں سمجھا تھا

یوں بڑھاپے میں نہ تم چھوڑ کے واپس جاؤ
بیویو تم نے کبھی مجھ کو میاں سمجھا تھا

خالد عرفان

Khalid Irfan