Wo Khush Khoraak Lagti Hay chiken Biryanio Jaisi
غزل
وہ خوش خوراک لگتی ہے چکن بریانیوں جیسی
بدن آلو بخارہ ہے نظر خوبانیوں جیسی
پھر اس نے ہاتھ بھی دکھلا دیا لاہوریوں جیسا
بس اتنا ہی کہا تھا آپ ہیں ملتانیوں جیسی
میں پہلے ہی بہت ڈرتا ہوں دوزخ کے عذابوں سے
اور اوپر سے مجھے بیوی ملی ملانیوں جیسی
تم اپنی ناک کٹنے کا مجھے الزام مت دینا
تمہاری ناک تو پہلے ہی تھی جاپانیوں جیسی
کمیشن کے لیے اس نے مری قیمت لگا ڈالی
میں پاکستان جیساہوں وہ پاکستانیوں جیسی
میامی بیچ پر وہ با حیا جمپر میں آئی تھی
مگر جمپر کی موٹائی تھی مچھر دانیوں جیسی
خالد عرفان
Khalid Irfan