پلٹے کہاں جو وادئ ابہام تک گئے

Palty Kahan jo wadee a ibhaam Tak Gayee

غزل

پلٹے کہاں جو وادئ ابہام تک گئے
کاذب طریق مجمعء کہرام تک گئے

ہر اک تھکن کو اوڑھ کے خاکی وجود پر
ہم زندگی کو کھوجنے انجام تک گئے

ہم پر نزولِ حرف کے بادل برس پڑے
لفظوں کو جب بھی ڈھونڈنے الہام تک گئے

دعویٰ تھا جن کا شہر میں کہ پارسا ہیں ہم
ان کے قدم بھی کوچہءِ دشنام تک گئے

اپنا نشان کھوجنے خود کی تلاش میں
خوشبومیں خودکو ڈھال کے گلفام تک گئے

قائل کروں میں کس طرح اس بدگمان کو
جب کہ سفیر حجت اتمام تک گئے

تابشِ یہ اہل عقل کے ثمرات ہی تو ہیں
جاہل جنوں میں حربۂ ہنگام تک گئے

شہزاد تابشِ

Shahzad Tabish