پکارنا وہ ترا مجھ کو بے خودی کی طرح

Pukarna wo tra Mujh ko Bay khudi ki Tarah

غزل

پکارنا وہ ترا مجھ کو بے خودی کی طرح
مرے خیال میں بجتا ہے بانسری کی طرح

وہ مجھ کو روز لکھے یا کبھی کبھی لکھ٘ے
میں اسکی میز پہ رکھی ہوں ڈائری کی طرح

نجانے کتنے ہی سانپوں سے واسطہ ہے مرا
وہ میرے ساتھ میں رہتےہیں دوستی کی طرح

میرے گھرا نے میں تھا بند کھڑکیوں کا رواج
سو میں نے پہلی محبت کی آخری کی طرح

تمہارا عشق سمندر ہے کھارے پانی کا
جو میری پیاس بجھاتا ہے تشنگی کی طرح

اجل نے چھین لی ہے جب سے میری ماں روحی
میں اپنے گھر میں بھی رہتی ہوں بے گھری کی طرح

ریحانہ روحی

Rehana Roohi