پہلی بازی ہے آخری ہے میاں

Pehli Bazi Hay Aakhri Hay Miaan

غزل

پہلی بازی ہے آخری ہے میاں
زندگی داؤ پر لگی ہے میاں

دل کی حالت عیاں ہے آنکھوں سے
دیکھ سرخی ہے اور جلی ہے میاں

ہم نے مصنوعی دکھ نہیں لکھے
ہم نے جو کچھ کہا وہی ہے میاں

میرے کمرے میں گھپ اندھیرا ہے
تیری گلیوں میں روشنی ہے میاں

تو جسے بانکپن سمجھتا ہے
تیرے کردار کی کجی ہے میاں

ہم جہاں زہر پھانکتے ہیں ادھر
سانس لینا بھی خود کشی ہے میاں

عظیم راہی

Azeem Rahi