Kamal us kay sab ashaar hain anokhi Radeef
غزل
کمال اس کے سب اشعار ہیں انوکھی ردیف
کہ جیسے غیب سے اتری ہو ہر غزل کی ردیف
یہ وقت مثلِ قوافی بدلتا رہتا ہے
اور ایک تو ہے مرے ساتھ ساتھ میری ردیف
یہ سانس گھٹنے لگی ہے بوجہِ قدغنِ لب
کہ جیسے قافیہ کرتی ہو تنگ موئی ردیف
یہ زندگی ہو ترے ساتھ وہ غزل جس میں
ہو سات حرفی قوافی تو آٹھ لفظی ردیف
بہت حسین تھا کل رات خواب کا منظر
میں اک براق پہ بیٹھا تھا، اک پری تھی ردیف
انہیں سراہنے والوں کی ہے سند کافی
کہاں کے قافیے عدنان اور کیسی ردیف
ڈاکٹر عدنان خالد
Doctor Adnan Khalid