غزل
کوئی بھی شخص پہلے کے جیسا نہیں رہا
اُس پر یہ ظُلم میں بھی وہاں کا نہیں رہا
اُس نے کہا کہ دیکھ مرے ہاتھ میں نصیب
مَیں نے کہا کہ وقت بُرا تھا نہیں رہا
اُس نے کہا کہ آنکھ کی حیرت بحال کر
مَیں نے کہا کہ آنکھ میں دریا نہیں رہا
اس نے کہا کہ جان سے پیارے نہیں رہے
میں نے کہا کہ شہر میں تجھ سا نہیں رہا
اس نے کہا میں جان سے گذری ترے بغیر
میں نے کہا کہ جاں پہ بھروسا نہیں رہا
اُس نے کہا مریضِ انا ہُوں مرے بغیر
شہرِ طِلسم میں کوئی اچھا نہیں رہا
؟کس نے کہا حضور محبت کی راہ میں
ہم سر نہیں رہا کوئی ہم سا نہیں رہا
دیکھا ہے غور سے تیرا دیوار و در ندیم
تصویر کا نشان جہاں تھا نہیں رہا
ندیم ملک